ابيات شعرية

🌾

يا للأسف لا شفت وعد الحر في الوقت

 *أختلف* 

     والطيب نهره جف والوافي تغير موقفه

وأفا واف ان لف مولا المعرفه واسرف

 *وطف* 

  وصاحب الوجه المزيف ماحد أقدر يكشفه 

واكبر خسف لا خف عقل انسان يتوازن

 *بصف* 

   وضاع ما بين السوالف والسيول الجارفه 

رجال يتفلسف ولا صنف ف سلف

 *واستلف*

  ورجال يغرف من بحور المعرفه والفلسفه 

ورجال حطه كف والناس البقيه وسط

 *كف*

   ورجال ما قد يوم لا ضيف ولا حد ضيفه 

شوف ذي تخلف غير ذي وقف معك وقفة

 *شرف* 

   وذي عرف وانصف تمسك به ولو ما تعرفه 

من عف كف ومن قنع قنف ومن يسأل

 *عرف* 

    ومن نوى واقدم وجازف ما يهم التكلفه 

الطيب ما يوصف وبحر العز ماشي له

 *طرف* 

  والضاو ذي طفطف ولا الغدرا وليله خايفه

فك الطرف وامسك على حبل الأمل في

 *المنتصف* 

  واليأس لا حاول وطوف حول قلبك خالفه 

حدد مسارك واتجه او حط في رأسك

 *هدف* 

    وابقا جبل ما يوم يضعف او تهزه عاصفه 

ان جيت خلك مثل رشة عطر او الطف

 *وخف* 

   وان رحت خلك دائما طب الجروح النازفه 

دايم حضورك مثل بدر انصف وعمره

 *ماخسف* 

  وغيبتك تشبه غياب الشمس لاهي مكسفه 

وموقفك بالصف لاهل الطيب له رغبه

 *وشف* 

   عند النكف للصاحب الوافي حزام الطارفه 

وان حطتك سود الليالي المظلمه في

 *منعطف* 

   خلك لو ان الدم جف شامخ شموخ النايفه 

ما ينفعك لو سرت تتاسف على ما قد

*سلف* 

   ترى الأسف ما ينسي العالم قبيح السالفه

     

       - لقائلها