شاعر اليمن عادل المريسي
لو ضاق مهجوسي وبرقه لمع
مغدق حروفه ما وراها نزيع
أسوقها سوق السرايا دفع
متجانسه في حرها والسقيع
في سطر شاعر مكتسي بالورع
وهاجسي طبعه بطبعي قنيع
نفضت ثوبي عن غبار الطمع
في كارثة أهل المطامع جميع
وأيقنت أن الحر فيما صنع
ون العمل والخير يبعث شفيع
ما خاب من. طرفه لربه دمع
ولا ندم. في والدينه مطيع
ولا تعسر قبر خاشع ركع
ولا هلك راعي السلوك الرفيع
ذيما فهم درس الألم والوجع
ما با يضمد جرح من هو وجيع
والدين يفجر ظهر كومي جدع
كلما رهن نفسه لقى من يبيع
قامت قيامة سبتنا وارتبع
ولا حفظنا بالرباعه ربيع
يا ذي تقول الشهر أربع جمع
كذاب زيد أربع وأربع سريع
ضعنا وصرنا من خرٌق ما رقع
ومن تولى باع من له تبيع
فالطير مهما في سماه ارتفع
لابد ما يوقع بصفصف وقيع
ون ما شرب مر الصبِر والكرع
با يطعم الحنظل بحلقه نقيع
بوصيك لو للنصح عندك سمع
خذ من فضائل مفرداتي سبيع
بعض الوقايع بالقوافي تقع
لله مالي. من وراها صنيع
لا تشتكي ضرك بشر البقع
ولا تناسب من لعرضه وسيع
وأحذر تسبب للمضاجع فزع
او تحرم الإم الحنون الرضيع
ولا تمازح من بعقله صرع
ولا تعزي بالمخازي صريع
ولا تجاهر جوعتك والشبع
في سمع فاسق للفواحش يشيع
والصاحب اللي تردعه وارتدع
حسب اعتقادي حصن عالي منيع
وارقص بساحات الرجوله برع
وبالرصانه خل نطقك وقيع
من زحزح أسنانه بظفره قلع
والشك يقلع من بحبه مطيع
أما سلاح الفاتنات الدلع
يخرق فؤاد الصيرمي والوضيع
وأهل الولايه عشقهم بالطبع
ما يعشقول اللي قوامه بديع
لهم بلاوي مالها منقطع
باروتها يمسي نصيع النصيع
تمحق وتدحق ما شمخ وارتفع
والشبل يتجندل بمقتل شنيع
إلا اذا صكو جيوب الجشع
يحميهم اللي للدعاوي سميع
لمسه وهمسه من فرع له فرع
حكمة معلم من لسان المذيع
إقنعت مهجوسي بها واقتنع
وانا على عهدي ووعدي قنيع
شاعر اليمن عادل المريسي
